आषाढ ३० २०७७   |  2020 Jul 14    


मन्त्री केसीकै गृह जिल्लामा चन्दाको भरमा आइसोलेशन


news

प्रदेश ५ सरकारका आन्तरिक मामिला तथा कानुन मन्त्री कुलप्रसाद केसीको गृह जिल्ला विपद व्यवस्थापन समितिको वैठकले रोल्पामा ५० शैयाको कोरोना आइसोलेशन सेन्टर स्थापना गर्ने निर्णय गर्यो । जिल्ला समन्वय समिति रोल्पाका प्रमुख राजवहादुर वुढाको संयोजकत्वमा ५ सदस्यीय समितिले आईसोलेशन सेन्टरका लागि संभावित क्षेत्र खोजी गर्ने र स्थापनाका लागि पहल गर्ने जिम्मेवारी दियो । सोही वमोजिम लामो समय लगाएर जलजला वहुमुखी क्याम्पस रोल्पामा ५० शैयाको आइसोलेशन सेन्टर स्थापना भयो ।

गृह जिल्ला रोल्पालाई सेभ जोन वनाउने मन्त्री केसीको सदिच्छा थियो । सेभ जोन वनाउनका लािग मन्त्री केसीले भिन्न भिन्न क्वारेनटिन, जिल्लामा २ वटा नाका मात्रै खुला गर्ने जस्ता विषय महत्वका साथ उठाए पनि जिल्ला सेभ जोन हुन सकेन । जिल्ला स्तरीय आईसोलेशन केन्द्र स्थापना गर्न निर्देशन दिएका केसीले वजेट प्रदेश सरकारवाट उपलव्ध हुने वताएका थिए ।

मन्त्री वोलेको लामो समयसम्म जिल्लामा स्थापना हुने आइसोलेशन सेन्टरका लागि वजेट उपलव्ध नभएपछि जिल्लाका १० वटा स्थानीय तहले ३/३ लाखका दरले पैसा उठाए । जिल्ला समन्वय समिति रोल्पाका प्रमुख राजवहादुर वुढाको समन्वयमा स्थानीय तहवाट वजेट उठाइएको थियो । सवै स्थानीय तहले भनेको वेला वजेट नदिएका कारण तोकिएको समय भन्दा अलिक ढिला सुरु गर्न वाध्य भयो वुढाले भने । १० लाख वजेट दिने आश्वासान दिएको प्रदेश सरकारवाट हालसम्म वजेट उपलव्ध भएको छैन वुढाले भने ।

आइसोलशन केन्द्र संचालनमा समस्या भएपछि सहयोगको आवह्वान गरिएको छ । रोल्पा अस्पतालको सिअहेव कुलवहादुर डाँगी र जनस्वास्थ्य कार्यालयका लेखापाल मोतिराज न्यौपानेलाई उक्त जिम्मेवारी दिइएको आइसोलन केन्द्रका प्रमुख डा. अनिल केसीले सार्वजनिक गरे । सोही वमोजिम अहिले विभिन्न व्यक्तिहरुले केन्द्र संचालनमा आर्थिक तथा भौतिक सहयोग गरिरहेका छन । संघीय संसदको शिक्षा तथा स्वास्थ्य समितिका सभापति जयपुरी घर्तीले सो केन्द्रका लागि १ ट्रक सामान लिएर जिल्ला गईन । सभापतिघर्तीको पहलमा स्वास्थ्य सेवा विभागले उपलव्ध गराएको सामाग्रीहरुमा पुरै सेट सहित ५० सेटको वेड,१ हजार थान आरडिटी किट, १ ट्रली औषधी र अन्य आवश्यक सामान उपलव्ध गराएको प्रमुख जिल्ला अधिकारी नरेन्द्र रानाले जानकारी दिए । आइसोलेशन केन्द्र संचालनमा विभिन्न व्यक्ति तथा संघ संस्थाले सहयोग गरिरहेका छन रोल्पा अस्पतालका सि अहेव कुलवहादुर डागीले भने ।

केन्द्र संचालनमा निकै समस्या रहेको जिल्ला समन्वय समिति रोल्पाका प्रमुख राजवहादुर वुढाको भनाई छ । सहयोग उठाएर चलाउनु पर्ने भएको छ वुढाले भने । केन्द्र संचालनका लागि आवश्यक सामाग्रीको जोरजाम भएपनि विरामीहरुको खाना व्यवस्थापन गर्न धौ धौ परिरहेको वुढाको भनाई छ ।
सवै स्थानीय तहमा कम्तिमा १५ वेडको आइसोलेशन केन्द्र

जिल्लामा रहेको ५० वेडको आइसोलेशन केन्द्रले धान्न नसक्ने देखिएकाले अव हरेक स्थानीय तहमा कम्तिमा १५ वेडको केन्द्र स्थापना गरिने भएको छ । विपद व्यवस्थापन समिति र जिल्ला संकट व्यवस्थापन केन्द्र रोल्पाको गत आषाढ २ गतेको संयुक्त वैठकले यस्तो निर्णय गरेको हो । निर्णयानुसार अव हरेक स्थानीय तहले नजिकको स्वास्थ्य केन्द्रको निगरानी रहने गरि यस्ता केन्द्र संचालन गर्ने छन । लक्षण नदिएका विरामीहरु स्थानीय तहमा रहेका आइसोलेशनमा वस्नेछन भने लक्षण देखिएकाहरुलाई जिल्ला स्तरीय आइसोलेशनमा ल्याईने छ जिल्ला स्तरीय संकट व्यवस्थापन समितिका संयोजक समेत रहेका प्रमुख जिल्ला अधिकारी नरेन्द्र रानाले भने । त्यसरी स्थापना हुने आइसोलेशन सेन्टरको संचालको जिम्मेवारी संवन्धित स्थानीय तहको हुने वताइएको छ ।

प्रदेश र संघको मुख ताक्दा संक्रमण भयावह
संघीय सरकार र प्रदेश सरकारको मुख ताक्दा कोरोना संक्रमण भयावह हुने भन्दै स्थानीय सरकारहरु आफै रोकथाम तथा नियन्त्रणमा जुटेका छन । लामो समय सम्म जिल्लामा कोरोना संक्रमण नदेखिदा ढुक्क भएका उनीहरु एकाएक यसको संक्रमण फैलिन थालेपछि भने चिन्तित देखिन थालेका हुन । यसको अगुवाई जिल्लाको सुनिल स्मृती गाउँपालिकाले गरेको छ ।


पछिल्लो पटक भारतवाट आउनेको चाप पनि वढ्दै जान थाल्यो । भित्राभित्रै भुसको आगो झैं कोरोना फैलिएको हुन सक्ने लख काट्ने वाहेक उपाय थिएन । आरडीटि परिक्षणमा भर पर्नु पर्ने अवस्था झेल्दै आएको रोल्पामा पाहिलो पटक आफ्नै पहलमा भिटिएम खरिद गरेर स्वाव परिक्षण गर्ने कामको अगुवाई सुनिलस्मृती गाउँपालिकाले गरेको हो । सो गाउँपालिकामा मात्रै जेठ १ यता भारतवाट ६२९ जना भित्रिएका छन । उसले स्वस्थ्यकर्मी र भारतवाट आएकाहरु समेत गरि ६४६ जनाको स्वाव परिक्षणका लागि भिटिएम खरिद गरि पिसिआरका लागी भेरी अस्पताल नेपाल गंज, राप्ती विज्ञान प्रतिष्ठान दाङ, वुटवल लगायतका परिक्षण केन्द्रहरुमा पठायो । परिक्षणका लागि पठाएका मध्ये ५३० जनाको रिपोर्ट प्राप्त भईसकेको छ । जस मध्ये सो गाउँपालिकामा मात्रै ३४ जना कोरोना संक्रमित भेटिएका छन ।

आफ्नै श्रोत साधन खर्चेर आरडिटी परिक्षण गराएका कारण सुनिलस्मृती गाउँपालिकामा जिल्लामै सवभन्दा धेरै संक्रमित भेटिए, जिल्लाका अधिकांश स्थानीय तहको अवस्था यस्तै हुन सक्छ गाउँपालिका अध्यक्ष गुणेन्द्र घर्तीले भने । भुसको आगो झै भित्राभित्रै फैलिएको हुन सक्छ घर्तीले भने । स्वास्थ्य कार्यालयले १ सय थान दिएको थियो वाकी सवै आफै खरिद गरेर परिक्षण गरेका हौ घर्तीले भने ।

पछिल्लो पटक राप्ती विज्ञान प्रतिष्ठान र भेरी अस्पतालले पिसीआर चेकका गर्न मानेका छैनन घर्तीले भने । भेरी अस्पतालले वाँके र वर्दिया जिल्लाका संक्रमितको मात्रै परिक्षण गर्ने निर्णय गरेको भन्ने जानकारीमा आएको छ घर्तीले भने । अस्पतालहरुले नै पिसिआर परिक्षण नगर्ने हो भने अव कहाँ पठाउने हो घर्तीले दुखेसो पोखे ।

जिल्लामा स्थापना हुने आईसोलेशन केन्द्र स्थापनामा प्रदेश र संघीय सरकारको प्रभावकारी भूमिका नदेखिएको रोल्पा नगरपालिका प्रमुख पूर्ण केसीको भनाई छ । कोरोना विरुद्धको लडाईमा स्थानीय सरकारहरु एक्लैले संघर्ष गर्नु परिरहेको छ केसीले भने । संघीय सरकार र प्रदेश सरकारको भूमिका प्रति नेपाली कांग्रेस रोल्पाका कार्यवाहक सभापति किशोर आचार्य पनि सन्तुष्ट छैनन । कोरोना विरुद्ध तीनै तहका सरकारको कृयाशिलता देखिनु पर्नेमा स्थानीय सरकारहरु मात्रै खटेको देखियो आचार्यले भने । संघीय सरकार र प्रदेश सरकारले न वजेट दिए न जनशक्ति आचार्यले भने ।

अपडेट : 2020-06-28 11:18:29




your-image

Leave a Comment