भाद्र ४ २०७६   |  2019 Aug 21    


विभेद भोग्नुपरेको सहजकर्ताहरूको गुनासो

शिक्षाको जग नै बाल विकास भए पनि साना साना शिशुहरूको स्याहार गरेर उनीहरूलाई औपचारिक शिक्षाको लागि तयार पार्नेलाइ नै राज्यले विभेद गरेको सल्यानको शिशु विकास सहजकर्ताहरूले गुनासो गरेका छन् ।
शिक्षाको महत्वपूर्ण खुड्किलोको रूपमा रहेकोले बालविकास केन्द्रहरूलाई विभेद गर्दासम्म शिक्षा क्षेत्रले फड्को नमार्ने उनीहरूको भनाइ छ । आफुहरूलाइ विद्यालयका अन्य शिक्षकहरूले हेर्ने दृष्टीकोण फरक भएको र पाउने सेवा सुविधा पनि लाजमर्दाे भएको गुनासो शिशु विकास सहजकर्ताहरूले गरेका हुन् ।
गायत्री आधारभूत विद्यालय कपुरकोट ४ गाँडापानी सल्यानमा रहेको बाल विकास केन्द्रकी सहजकर्ता चन्द्रा डाँगीले बाल विकास केन्द्रलाइ व्यवस्थीत गर्न आवश्यक रहेको बताइन् । यद्यपि कपुरकोट गाउँपालिका सल्यानले आफुहरूलाइ पोषाक, अन्तरक्रिया तथा वाल विकास केन्द्रमा शैक्षिक सामग्रीहरूको व्यवस्था गरिदिएकोमा खुसि व्यक्त गरिन् ।
आफुहरूले जीम्मेवारपूर्वक काम गरिरहेको जनाउँदै कपुरकोटका २४ वाल विकास केन्द्रका शिशु विकास सहजकर्ताहरूले सेवा सुविधा थप गर्नुपर्ने र आफुहरूलाइ शैक्षिक भ्रमणको व्यवस्था गर्नुपर्ने माग राखेको शिक्षा शाखा कपुरकोटका प्रमुख कृष्ण भण्डारिले जनाएका छन् ।
यसैविच शिक्षा समिती प्रमुख समेत रहेका कपुरकोट गाउँपालिकाका अध्यक्ष भिम बहादुर सेनले बाल विकास केन्द्रको व्यवस्थापनमा गाउँपालिका लागीरहेको जनाउँदै खेल, संगीत र विभिन्न क्रियाकलापमार्फत ससाना नानीबाबुलाइ अक्षर चिनाउन र उनीहरूको मानसिक र शारीरिक विकासको ख्याल राख्न आग्रह गरेका छन् ।
बालबालिकाको सुखी र समुन्नत जीवन सुनिश्चित गर्नु एवम् उनीहरूको विकासलाई सहज बनाउनु गाउँपालिकाको उद्देश्य रहेको जनाउँदै अध्यक्ष सेन र गाउँपालिका उपाध्यक्ष तिला बुढा मगरले बाल विकास केन्द्रलाइ ३१ प्रकारका शैक्षिक सामग्री पनि हस्तान्तरण गरेका छन् ।
गाउँपालिकाभित्र रहेका २४ वालविकास केन्द्रलाइ डोरि, कैँची, जनावरका चित्र, बल, जालि बल, चार्ट, व्याट, सिटी लगाएत ३१ प्रकारका बाल विकास शैक्षिक सामग्री गाउँपालिकाले खरिद गरेर हस्तान्तरण गरेको शिक्ष शाखाले जनाएको छ ।
सामग्री हस्तान्तरण गर्दै गाउँपालिका अध्यक्ष सेनले ससाना बालवालिकालाइ उनीहरूको रुची अनुसार, खान, खेल्न, सुत्न, रमाउन दिनुपर्ने भन्दै यसले बालबालिकालाई भर्ना हुनुपूर्व विद्यालय गएर पढ्नुपर्छ भन्ने ज्ञान दिने बताए ।
यस्तै उपाध्यक्ष बिुढा मगरले बालविकास केन्द्रमा व्यवस्थापन सुधार, गुणस्तर वृद्धि, पूर्वाधार निर्माण, समुदाय परिचालन तथा सशक्तीकरण आवश्यक रहेको बताइन् । शैक्षिक गुणस्तर बढाउन तथा सहयोगी कार्यकर्ताको मनोबल उच्च बनाउन गाउँपालिकाले थप कार्यक्रम ल्याउने उनले बताइन् ।

अपडेट : 2018-12-13 06:58:18




your-image

Leave a Comment