मंसिर २८ २०७६   |  2019 Dec 14    


रङ्गमा रमाउँदै शितल

news

लामो समय रूपन्देहीलाई कर्मथलो बनाएर संगितको क्षेत्रमा आफ्नो भिन्दै पहिचान बनाउने व्यक्ति हुन शितल शर्मा । उनी सबै संगित प्रेमीको ढुकढुकी छिन् । डम्म परेको जीउडाल, काली हिस्सी परेकी, मिठो स्वरकी धनी शितलको मिठो स्वर स्टेज चढेपछि सुन्न सकिन्छ ।
धेरैजसो देशभरि हुने मेला महोत्वसमा देखिने शितल स्टेज चढे पछि जस्तोसुकै चिसो मौसम पनि तात्न थाल्छ । स्टेज अगाडि रहेका दर्शक स्रोताले ताली बजाउँदै शितलको मिठो स्वरको प्रशंसा गर्न थालेपछि माहोल नै भिन्न बनिदिन्छ । बुटवलमा लाग्ने बुटवल महोत्सवबाट आफ्नो स्टेज यात्रा शुरु गरेकी शर्मालाई आजभोलि कार्यक्रम सञ्चालन एकलौटी जस्तो रूपमा देख्न सकिन्छ । देशका विभिन्न स्थान सहित विदेशी भूमिमा समेत स्टेजमा पुग्ने गर्छिन् ।
नाम शितल भए पनि स्टेज चढे सबै दर्शकलाई तताउने खुबीका कारणले अहिले देश विदेशको यात्रामा भ्याई नभ्याई छ उनलाई । बाग्लुङको ढोरपाटन नगरपालिकामा कान्छी सन्तानको रूपमा जन्मिएकी शितलले सानैमा सञ्चार माध्यम प्रतिको मोहले अहिलेको स्थानमा पु¥याएको बताउँछिन् ।

२०६१ सालबाट स्टेज उद्घोषक रूपमा चर्चा कमाउन सुरु गरेकी शितलले आफनो सानैको रहरलाई पुरा गर्ने क्रममा जोडिएको पेशा भन्छिन् । बुटवलको तिनाउ एफएम, बुद्ध टेलिभिजन लगायतका सञ्चार माध्यममा काम गर्दै गर्दा स्टेज चढ्न शुरु गरेकी शितलले रहरले आफूलाई अहिलेकी व्यस्त उद्घोषिका बनाएको बताईन ।
विभिन्न बाधा र समस्यासँगै जुधेर अघि बढ्नुको बिकल्प नभएको भन्दै पछिल्लो समयमा हुने मेला महोत्सवमा आफू आयोजकको पहिलो रोजाईमा रहे पनि धेरै समस्या हुने गरेको बताईन । पहिलो कुरा अस्वस्थ प्रतिस्पर्धा, नातवाद अहिले त एकदमै हुने गरेको र पार्टीबादले त भनै कलाकारको कलालाई नै मार्ने काम भएको छ ।
अहिले सम्म देशका धेरै ठाउँ सहित कतार, दुवै, मलेशिया र जापानमा कार्यक्रम सञ्चानका लागि पुगेकी छिन । विभिन्न समयमा हुने मेला महोत्सव र चाडवाडका बेलामा निकै व्यस्त देखिने शितलले एक वर्ष करिव एक सय वटा कार्यक्रम सञ्चालन गरेको बताईन । उनी भन्छिन् कलाकारिता गरेर बाँच्न सकिने अवस्था मात्र होईन राम्ररी जीवन चलाउन सकिने अवस्था छ, त्यसका लागि आफूले कडा परिश्रम गर्नुपर्ने तर्क छ उनको । पानी जहाज गीत गाएर गायिकाको उपमा थपेकी शितलले क्रमश आर्थिक समृद्धि, नमुना जोडी, महारानी, कुटुमा कुटु गीत गाईसकेकी छन् । उद्घोषण क्षेत्र आफैमा निकै सुन्दर क्षेत्र यहाँ आएर यो पेशामा रमाउन नसक्नेहरूले बद्नाम गर्ने गरेको गुनासो छ उनीसँग । धेरै क्षेत्रमा धेरै संस्कार र प्रकृतिमा मानिसहरूसँग भेट गराउने माध्यम हो उद्घोषण । १५ वर्षको रूपन्देही बसाईलाई छाडेर यतिबेला ठुलो शहर काठमाडौमा सघर्ष गरिहेकी शर्मा लोक संगितको क्षेत्रमा भित्रिएका नकारात्मक पक्षलाई समस्याको रूपमा लिँदै आफूले सके सम्म समाजका यथार्थलाई गीत मार्फत सन्देश दिन खोजेको बताउँछिन् । हुन पनि उनका अहिले सम्मका गीतहरूलाई हेर्ने हो भने यो कुरा पुष्टी गर्न सकिन्छ ।

अपडेट : 2018-12-01 02:41:35




your-image

Leave a Comment